Спорт, демалыс және ойын-сауық саласындағы қызметтер көлемі биыл бірінші тоқсанда 48,3 млрд теңгені құрады - бұл 2020 жылғы бірінші тоқсанмен салыстырғанда 2 есеге аз, деп хабарлайды inbusiness.kz тілшісі finprom.kz-ке сілтеме жасап.
Сонымен бірге, 2020 жылдың қаңтар-наурызында қызметтер көлемі 2019 жылдың сәйкес кезеңімен салыстырғанда 69,6% -ға жоғары болған.
Тұтастай алғанда 2020 жылы "коронавирустық дағдарысты" және карантиндік шектеулердің енгізілуін ескере отырып, сектордағы қызметтер көлемі алдыңғы жылмен салыстырғанда күрт төмендеп, тек 218,7 млрд теңгені құрады.
Биылғы бірінші тоқсанда ел аймақтарының ішінде осы саладағы қызметтердің ең көп көлемі Нұр-Сұлтанға тиесілі: 11,1 млрд теңге - өткен жылдың сәйкес кезеңімен салыстырғанда 4 есе аз. Одан кейін Алматы (9,2 млрд теңге), Қарағанды облысы (3,3 млрд теңге) және Шымкент (3,3 млрд теңге) тұр.
Қызметтер көлемінің өсуі 17 аймақтың тек 4-інде - Шымкентте (+ 87,5%), Алматыда (+ 63%), сонымен қатар Түркістан(+ 8,2%) және Жамбыл (+ 1,8%) облыстарында байқалды.
Сектордағы қызметтер құрылымында фитнес-клубтардың қызметі саласында ғана көрсеткіштер өскен, бірден 3,6 есеге, 9 млрд теңгеге дейін. Спорттық клубтардың қызмет көрсету көлемі 32,8% -ға, 4,9 млрд теңгеге дейін азайды, спорттық ғимараттарды пайдалану саласында 14,5% -ға, 4,1 млрд теңгеге дейін төмендеді.
Қуыршақ театрларының, сондай-ақ би залдары мен дискотекалардың белсенділігі төменгі деңгейде - 32,3% және 57,5% -ға, сәйкесінше 124,3 млн теңгеге және 62,3 млн теңге. Көңіл көтеру және тақырыптық саябақтардың қызмет көрсету көлемі 37,7% -ға төмендеп, 794,2 млн теңгені құрады.
Құралай Құдайберген
