АҚШ президенті Дональд Трамп бұған қатты ашуланғанын да ашық айтты, деп хабарлайды inbusiness.kz сайты.
Бейсенбі күні Nasdaq индексі 5 пайыздан астам төмендегеннен кейін президент Truth Social әлеуметтік желісінде: "Бұған өздеріңізден басқа ешкімді кінәлай алмайсыздар!" деп жазды.
Трамптың пікірінше, қор нарығындағы құлдырауға аралық сайлауда демократтардың жеңіске жетуі себеп болған. Десе де, осыдан екі күн бұрын ол сайлаудан кейін биржалық көрсеткіштердің өсуін өзінің жетістігі ретінде бағалаған еді.
Ал бұл уақытта демократтар Өкілдер палатасындағы орын санын арттыруды жалғастырып жатыр. Соңғы мәлімет бойынша, партия 253 мандатқа ие болған. Дауыстарды санау толық аяқталғаннан кейін демократтар өкілдерінің саны 260-қа жетуі мүмкін.
Әзірге ең тартысты бәсеке Аляска штатында өтіп жатыр. Дауыстардың 74 пайызы саналғаннан кейін демократ Мэри Пелтола Республикалық партия атынан сайланған қазіргі сенатор Дэн Салливаннан небәрі 600-ден сәл астам дауысқа алда келеді.
