DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 286,33 Brent 36,55
Денис Тен мемориалында Квителашвили топ жарды

Денис Тен мемориалында Квителашвили топ жарды

Бұл сында отандасымыз Никита Манько 171.49 ұпаймен сегізінші орын иеленді.  

12 Қазан 2019 09:58 336

Денис Тен мемориалында Квителашвили топ жарды

Алматыда мәнерлеп сырғанаудан өтіп жатқан Денис Тен мемориалында ерлер арасындағы жеңімпаздар мен жүлдегерлер анықталды, деп хабарлайды Olympic.kz. 

Халықаралық турнирде грузиялық Морис Квителашвили жеңіс тұғырына көтерілді. Ол қоссайыс қорытындысы бойынша 244,98 ұпай алды. Екінші орында ресейлік Макар Игнатов (214,99), үшінші сатыда эстониялық Даниэль-Альберт Науритс (210.68).

inbusiness.kz-ті қараңыз, оқыңыз :

Денис Теннің анасы ұлына қастандық тапсырыспен жасалған деп санайды

Денис Теннің өліміне қатысты іс бойынша алғашқы сот отырысы 25 желтоқсанда өткен болатын.

04 Қаңтар 2019 12:35 358

Денис Теннің анасы ұлына қастандық тапсырыспен жасалған деп санайды

Мәнерлеп сырғанаушы марқұм Денис Теннің анасы ұлының ажал құшқан күнін еске алып, неге тапсырыспен өлтірілді деп санайтынын түсіндірді, деп хабарлайды Sputnik Қазақстан.

Алматыда қылмыстық істер бойынша мамандандырылған ауданаралық сотында осымен екінші күн сот талқылауы болып жатыр. Сот процесі қазақ тілінде өтуде. Төрағалық етуші судья – Кеңшілік Әбелдинов.

«2018 жылдың 29 маусымында Денисті Мадина Аманова «Гедонист» мейрамханасының ашылуына шақырды. Мейрамхана директоры Руслан Хайруллаев оның сыныптасы. Денис оны көргеніне, әсіресе мейрамхана басшысы қызметін атқарып жүргеніне қатты таңғалды. Бірнеше рет әлеуметтік желіде хабар алмасқаны болмаса, екеуі бұрын араласпайтын», –  деп хабарлады сотта жауап берген Оксана Тен.

Сол кездесуден соң Руслан қайта-қайта Денисті мейрамханаға шақырып, дәм татырған.

18 шілдеде Хайруллаев Денистің жұмысына кіріп шығып,19 шілдеде кездесуге шақырады. Әйелдің айтуынша, Денис 19 шілдеде Русланның мейрамханасына соғуға уәде берген.

«Тергеу нәтижелері мен видеоны көргеннен соң, менің пікірім – бұл тапсырыспен кісі өлтіру. Денистің бос уақыты болмайтын, әр сағаты жоспарланған. 19 шілдеде де кездесулері мен жаттығуы болды. 21 шілдеде Астанаға барып, өнер көрсетуге тиіс болатын. Ал 22 шілдеде Канадаға жаттығуға кетуіміз керек еді», –  дейді Оксана Тен.

19 шілдеге іскерлік кездесулер жоспарланыпты. Дәлірек айтқанда, 15:00-де чех инвесторларымен Қазақстанда мұз айдындарын салу туралы келіссөз жүргізуі керек екен.

«13:45-те Хайруллаев жазып, түскі асқа шақырған. Денис қарным аш емес деп жауап беріп, бірақ  40 минутқа кофе ішуге кіріп шығамын деген. Ол – 1 13:48-де. WhatsApp-та бәрі жазылған», — деп атап өтті әйел.

Еске сала кетсек, биыл шілденің 19-ында, тапа-тал түсте Алматының қақ ортасында мәнерлеп сырғанаушы, Сочи Олимпиадасының қола жүлдегері Денис Тенді көлік тонаушылар пышақтап кетті.

Денис Теннің өліміне қатысы бар деген күдікпен үш азамат ұсталды. Олар Жамбыл облысының тумасы 24 жастағы Нұралы Қиясов, Қызылорда облысының 1994 жылғы тумасы Арман Құдайбергенов және Жанар Толыбаева. Әйел қылмыс жасалғанын хабарламағаны үшін қамауға алынды.

Денис Теннің өліміне қатысты іс бойынша алғашқы сот отырысы 25 желтоқсанда өткен болатын. Отырыста жәбірленуші тараптың адвокаты Нұрлан Өстеміров Денис Тен тапсырыспен өлтірілді деп мәлімдеп, соттан істі қосымша тергеуге жіберуді сұраған болатын. Бірақ судья істі қайта тергеуге жіберудің қажеті жоқ деп шешті.

Бұдан бөлек, Теннің отбасының қорғаушысы спортшының өліміне себеп болған айна ұрланған сәтті екі полицейдің көруі мүмкін екенін айтты.

Кеше сот талқылауында Құдайбергенов пен Қиясов ұрлық жасағандарын мойындады. Алайда Денис Тенді өлтіруді жоспарлаған жоқпыз дейді. Толыбаева соттан өзі айыпталып отырған баптарды өзгертуді сұрады.

Денис Теннің өліміне күдіктілер тағылған кінәні мойындамай отыр

Теннің отбасының қорғаушысы спортшының өліміне себеп болған айна ұрланған сәтті екі полицейдің көруі мүмкін екенін айтты.

03 Қаңтар 2019 14:27 342

Денис Теннің өліміне күдіктілер тағылған кінәні мойындамай отыр

Алматыда қылмыстық істер жөніндегі мамандандырылған ауданаралық сотта мәнерлеп сырғанаушы Денис Теннің өліміне қатысты іс бойынша сот отырысы жалғасты. Прокурор Қуандық Досов сотталушыларға қатысты айыптау актісін оқыды, деп хабарлайды sputniknews.kz.

Айыптау актісінде айтылғандай, Денис Теннің өліміне күдікті Арман Құдайбергенов 2018 жылдың маусымында Шагабутдинов - Шевченко көшелерінің қиылысында тұрған Жаңқабаевтың Lexus көлігінің айнасын ұрлаған. Келтірілген шығын 608 мың теңгені құрады. Өзінің қылмысын жасыру үшін Құдайбергенов айналарды Шаңырақтағы сайға лақтырып кеткен. 

«Сонымен қатар, Құдайбергенов 11 шілдеде заңсыз жолмен ақша табу пиғылымен Астанадағы күйші Дина көшесінде Шəмшиевтің көлігінің айнасын шешіп кеткен. Осыған байланысты Құдайбергеновке ҚР ҚК 188-бабы бойынша айып тағылды», – деді прокурор сот отырысында. 

Ал Денис Тен көз жұмған 19 шілде күні сотталушылар Нұралы Қиясов пен Жанар Толыбаева, Арман Құдайбергенов «Магнум» сауда үйінен ас үй пышағы мен қолғап сатып алған. Құрманғазы көшесінен шығысқа қарай Байсейітова көшесінде «LEXUS 708 02» көлігінің тұрғанын байқайды. 

«Олар көліктерін «Достық» қонақ үйінің қасына қалдырып, Теннің автокөлігіне жаяу жақындаған. Толыбаева жан-жағына қарап, адамдардың қарасы азаюын, ыңғайлы сəтті күтіп, 7 метр ара қашықтан аймақты бақылап тұрған. Құдайбергенов болса, көліктің айнасын шешіп алып, көлік иесіне 199 мың теңге шығын келтірген. Сол сəтте Денис Тен Толыбаеваның қасынан өтіп, көлігінің жанында бөтен адамның тұрғанын көреді. Оның көлік айнасын ұрлап жатқанын байқаған соң, айнасына жармаса кеткен», – делінген айыптау актісінде. 

Досовтың айтуынша, осы сәтте Құдайбергенов Байсейітова көшесіне қарай қаша жөнелген. Ал Тен көп ұзамай оны қуып жеткен. Сол арада Құдайбергенов пен Тен арасында төбелес басталған. 

«Құдайбергенов шалбарының белбеуін шығарып, Теннің бетінен ұра бастаған. Сол сəтте Қиясов рюкзактан пышақты алып арт жағынан келген. Қиясов қылмысты жасыру үшін оны өлтіруді ойлаған. Құдайбергенов Тенді ұстап тұрады. Сол кезде Қиясов Денис Теннің оң жақ санының артериясының жоғарғы тұсынан екі рет пышақ салған», – деді мемлекеттік айыптаушы.

Алайда үш күдікті де адам өлтіргендерін мойындамай отыр. 

Президент Денис Теннің өлімін тергеуге қатысты: халық полиция мен сотқа наразы
Денис Теннің өліміне қатысты іс бойынша алғашқы сот отырысы 25 желтоқсанда өткен еді. Сот алдына үш адам келді – Нұралы Қиясов, Арман Құдайбергенов және Жанар Толыбаева. Отырыста күдікті әйелдің аяғы ауыр екені белгілі болды.

Отырыста жәбірленуші тараптың адвокаты Нұрлан Өстеміров Денис Тен тапсырыспен өлтірілді деп мәлімдеп, соттан істі қосымша тергеуге жіберуді сұраған болатын. Бірақ судья істі қайта тергеуге жіберудің қажеті жоқ деп шешті. 

Бұдан бөлек, Теннің отбасының қорғаушысы спортшының өліміне себеп болған айна ұрланған сәтті екі полицейдің көруі мүмкін екенін айтты.

Жаңалықтарға жазылу: