Денис Тенді өлтірді деген күдікпен ұсталған Нұралы Қиясов мәнерлеп сырғанаушы Денис Тенге пышақ сұққанын мойындады. Істің мән-жайы туралы Алматы ішкі істер департаменті хабарлады, деп жазады sputniknews.kz.
Бұған дейін екінші күдікті Арман Құдайбергенов спортшыны жарақаттағанын айтқан болатын.
Күдікті бетпе-бет кездесу барысында пышақ жарақатын салғанын мойындады.
"Сол күні оқиғаны көзімен көргендер анықталды. Олар күдіктілерді таныды", — деп мәлімдеді департаменттен.
Полицияның ақпаратынша, екінші күдікті Арман Құдайбергенов пышақ жасырылған жерді көрсеткен. Қылмыс қаруы тәркіленіп, қылмыстық іс материалдарына қосылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
