Ол дені сау ананың дені сау баланы көтеріп, босануға қабілетті екенін, сондықтан әйелдің денсаулығы медициналық көмек көрсетудің орталық нысаны болуы керек екенін атап өтті. Жүктілікке дейін, жүктілік арасында әйелдердің денсаулығын жақсарту, қауіпсіз жүктілікті қамтамасыз ету, босану кезінде көмек көрсету сапасын жетілдіру және балаларға ең жақсы жағдайларда өмір бастауын қамтамасыз ету қажет.
Министрдің айтуынша, аналар мен балаларға көрсетілетін медициналық көмекті жақсарту үшін ҚР-да пренаталдық УДЗ скринингін жүргізуді ұйымдастыру стандарты әзірленді, халықаралық сертификат ала отырып, УДЗ диагностикасы бойынша 100-ден астам дәрігер оқытылды, сараптамалық кластағы 60 УДЗ аппараты сатып алынды, сондай-ақ еліміздің 17 өңірінде перинаталдық орталықтар базасында "Құрсақтағы сәбиді қорғау орталықтары" ұйымдастырылды, пренаталдық УДЗ скринингін жүргізу қағидалары қайта қаралды. ҚР скрининг, катамнез кабинеттерінде шала туған нәрестелерге медициналық көмек көрсету тәртібі жетілдірілуде, ДДҰ ұсынымдарын ескере отырып, жүкті әйелдер мен COVID-19 бар балаларды жүргізу жөніндегі клиникалық хаттамалар қайта қаралып, бекітілді.
Денсаулық сақтау министрлігі жаңа туған нәрестелер мен ерте жастағы балалардың аудиологиялық және офтальмологиялық скринингін жүргізу үшін босандыру ұйымдары мен МСАК-ты қажетті жабдықпен қамтамасыз ету бойынша жұмыс жүргізуде, "Қамқорлық" бастамасының ІІ кезеңін іске асыру шеңберінде ел өңірлерінде 19 ерте араласу орталығы және 8 оңалту орталығы ашылды.
Денсаулық сақтау министрлігінің басшысы медициналық қызметкерлерге консультациялық – әдіснамалық көмек көрсету мақсатында медициналық ұйымдарға мониторингтік сапарлар тұрақты негізде жүзеге асырылатын ауылдық шалғай аудандарда осы контингенттің патронажын күшейтуге назар аударды.
А. Ғиният Министрліктің денсаулық сақтауды дамытудың 2026 жылға дейінгі тұжырымдамасының жобасын дайындағанын хабарлады, онда инновациялық, негізделген тәсілдерге сүйенген және өмірлік циклды қамтитын - жаңа туған нәрестелер, балалар мен жасөспірімдер денсаулығы, репродуктивтік және ана денсаулығы қызметтерін көрсетудің интеграцияланған моделін күшейту және "әрбір әйелге, әрбір балаға" негізгі көмек түрлерінің кешенін қамтамасыз ету көзделген.
"Ана мен бала өлімін азайту жөніндегі одан арғы іс-шаралар ведомствоаралық өзара іс-қимылды, цифрландыруды, менеджмент пен сапаның халықаралық стандарттарын жетілдіруді, ғылыми зерттеулерді дамытуды талап етеді. Жүкті және фертильді жастағы әйелдерді сапалы диспансерлеуді қамтамасыз ету, прегравидарлық даярлық, пренаталдық диагностика, жүкті әйелдер мен балалар ауруларының алдын алу және емдеу мәселелеріне көп көңіл бөлінуге тиіс", - деді министр.
Ол соңғы әлемдік тенденцияларға сәйкес пренатальды диагностиканы реформалау және туа біткен ақауларға ерте пренатальды скринингтің жаңа заманауи әдіснамасына көшу қажеттілігіне назар аударды.
Жалпы, денсаулық сақтау министрлігінің басшысы атап өткендей, бүгін форумда талқыланатын мәселелер ДДҰ саясатының негізгі қағидаттарына сәйкес әлеуметтік бағдарланған ұлттық денсаулық сақтау жүйесінің серпінді дамуына ықпал етуі тиіс.
