Оған таңғы ас, тіскебасар, түскі ас, бесін асы және кешкі ас кіреді, деп жазады inbusiness.kz сайты.
Денсаулық сақтау министрлігі ата-аналарға мектеп жасындағы балалардың дұрыс тамақтануын ұйымдастыру бойынша маңызды ұсыныстар берді.
– Мектеп жасы – баланың қарқынды өсіп, дамитын кезеңі. Сондықтан толыққанды әрі теңгерімді тамақтанудың маңызы зор: ол баланың бойына қуат беріп, сабақта зердесін жинақтауға және күні бойы белсенді болуына көмектеседі, – деп түсіндірді министрлік өкілдері.
Мамандардың айтуынша, оқушының күнделікті рационында мынадай өнімдер болуы тиіс:
- Көкөністер мен жемістер;
- Сүт және қышқыл сүт өнімдері;
- Ақуыз көздері – ет, балық, жұмыртқа және бұршақ дақылдары;
- Тұтас дәнді дақылдар өнімдері;
- Жеткілікті мөлшердегі таза су.
Сонымен қатар қант, тұз бен қаныққан майлар мөлшері жоғары өнімдерді, тәтті газдалған сусындарды және ұлттық өңдеуден өткен фастфуд пен түрлі зиянды тағамды шектеу керектігін ескертті.
– Баланың не жейтіні ғана емес, оны қалай тұтынатыны да маңызды: тамақтанудың тұрақты режимі, дастарқан басындағы тыныш атмосфера және ата-ананың жеке үлгісі баланың пайдалы әдеттерді қалыптастыруына үлкен септігін тигізеді, – деді ведомство өкілдері.
