ҚР Денсаулық сақтау министрлігінің Facebook желісіндегі ресми аккаунтына хакерлік шабуыл жасалды. Бұл туралы ведомствоның қоғаммен байланыс департаментінің директоры Әсел Артақшынова мәлім етті, дем жазды inbusiness.kz.
"Өкінішке қарай, белгісіз біреулер ҚР Денсаулық сақтау министрлігінің Facebook желісіндегі парақшасын және менің жеке парақшамды бұзды", – деп жазды Әсел Артақшынова инстаграм парақшасында.
Ол осыған байланысты Facebook-тің бас кеңсесіне хат жолданғанын атап өтті.
"Ақпарат уақытша инстаграм желісінде менің парақшамда және Денсаулық сақтау министрі Ажар Ғинияттың жеке парақшасында жарияланады", – деді Әсел Артақшынова.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
