/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Денсаулық сақтау вице-министрі Олжас Әбішов қамауға алынды

Денсаулық сақтау вице-министрі Олжас Әбішов қамауға алынды

Қазіргі таңда тергеу амалдары жүргізілуде.  

02 Тамыз 2020 10:29 130

Денсаулық сақтау вице-министрі Олжас Әбішов қамауға алынды

Денсаулық сақтау вице-министрі Олжас Әбішев қамауға алынды, деп хабарлайды ҚазАқпарат.

Бұл ақпаратты Қазақстан Республикасы Қаржы министрлігінің Қаржы мониторингі комитеті растады.

«Бюджет қаражатын жымқырды деген күдікпен Қазақстан Республикасы Денсаулық сақтау вице-министрі Олжас Әбішевті Экономикалық тергеу қызметі қызметкерлері қамауға алды», - деді комитеттен.

Қылмыстық іс жүргізу кодексінің 201-бабына сәйкес сотқа дейінгі тергеп-тексерудің мәліметтері жария етілмейді.

Айта кетсек, Олжас Әбішев 2018 жылы денсаулық сақтау вице-министрі болып тағайындалған. Ол цифрландыру және ақпараттық қауіпсіздік мәселелеріне жауап берді.

 

Нұр-Сұлтан қалалық денсаулық сақтау басқармасының басшысы тағайындалды

Ол 43 жастағы Тимур Мұратов болды.  

30 Шілде 2020 21:52 163

Нұр-Сұлтан қалалық денсаулық сақтау басқармасының басшысы тағайындалды

Нұр-Сұлтан қалалық Қоғамдық денсаулық сақтау басқармасының басшысы тағайындалды, деп хабарлайды сайты.

Елорда әкімі Алтай Көлгінов Денсаулық сақтау басқармасының басшысын қаладағы ауруханалар мен емханалардың бас дәрігерлерімен өткен онлайн-кеңесте таныстырды.

Тимур Мұратов медицина саласында 20 жыл бойы қызмет етіп келеді. № 6 қалалық емханада дәрігер қызметінен бастаған. Әр жылдары №2 қалалық аурухананың бөлім меңгерушісі, №2 қалалық аурухананың бас дәрігерінің медициналық қызмет сапасын бақылау жөніндегі орынбасары, № 2 Ақмола облыстық ауруханасының бас дәрігері қызметтерін атқарған. Соңғы жылдары елорданың қоғамдық денсаулық сақтау басқармасы басшысының орынбасары, жедел медициналық жәрдем станциясының бас дәрігері болып жұмыс істеді. Меритократия қағидатына сәйкес дәрігерден «ҚР Президент Іс Басқармасының Медицина орталығының ауруханасы» РМК директорының бірінші орынбасарына дейінгі қызмет жолынан өткен.

Елорда әкімі Алтай Көлгінов Қоғамдық денсаулық сақтау басқармасының басшысына Сovid-19-дың таралу динамикасын төмендету үшін барлық қажетті шараларды қабылдауды тапсырды. Карантин шаралары медицина қызметкерлері мен медициналық мекемелерге айтарлықтай жүктемені азайтуға мүмкіндік берді.

Қабылданған шаралар мен қала емханаларында амбулаториялық емдеуді күшейтудің арқасында жедел медициналық жәрдем станциясына шақырулар саны 3 есе (3 мыңнан 1 мыңға дейін) төмендеді. Пневмониямен стационарларға түскен науқастар саны 67,5% азайды, төсек қорының жүктемесі 99% - дан 39% - ға дейін төмендеді. Коронавирус көрсеткіші төмендеуінің оң динамикасы байқалады.
 

Денсаулық сақтау саласына 138 млрд теңге қаржы бөлінді

Инвестиция көлемі бойынша 15,1 млрд теңгемен Алматы облысы көш бастап тұр.

11 Ақпан 2020 16:04 377

Денсаулық сақтау саласына 138 млрд теңге қаржы бөлінді

2019 жылы денсаулық сақтау және әлеуметтік қызмет саласына 137,7 млрд теңге инвестиция салынды, деп хабарлады Finprom.kz.

Бұл 2018 жылмен салыстырғанда 12,7%-ға жоғары. Осы орайда аталған сома жалпы республикалық көрсеткіштің  1,1%-ы ғана екеніне назар аударған жөн.

Салыстырмалы түрде қарайтын болсақ 2018 жылы денсаулық сақтау және әлеуметтік қызмет саласына 122,2 млрд теңге инвестиция тартылған. Сол жылы жылдық өсім 26%-ды құрады. 
Инвестицияның көлемі бойынша 15,1 млрд теңгемен Алматы облысы көш бастап тұр. Бұл жалпы республикаға қарастырылған қаржының 11%-ы. Одан кейінгі орында 14,8 млрд теңгемен – ШҚО, 13,8 млрд теңге көрсеткішімен Алматы қаласы тұр. 

Осы орайда еліміздің 8 өңірінде аталған салаға бөлінген қаржы көлемі қысқарған.
Ал СҚО (2,6 млрд теңге) мен Атырау (3,2 млрд теңге), Маңғыстау (3,8 млрд теңге) облыстарының денсаулық сақтау және әлеуметтік қызмет саласына ең аз қаржы бөлінген.