Су астында қалған аймақтардағы оқушылар мен мектеп түлектері және ұстаздарға қатысты талаптар таусылмай тұр, деп хабарлайды inbusiness.kz сайты.
Мәжіліс депутаты Нартай Аралбайұлы су басқан аймақтардағы оқушыларды ҰБТ-дан босатып, тегін білім грантын беруді талап етті.
"Шетінен шешіліп жатыр, дегенмен дереу шешімдерді талап ететіндері көп. Бірқатарын БАҚ өкілдеріне айттым. “Тамшы да тама берсе тас жарады” демекші, талапты толассыз беремін.
Себебі апат аймағында қалған әр азаматтың талап-тілегі орындалуы тиіс. Етегі жасқа толып, тасқынмен күресіп жүрген оқушылар Ұлттық бірыңғай тестілеуге қалай дайындалсын", - деді ол.
Депутаттың айтуынша, қазір 3 мыңнан аса оқушы эвакуациялық аймақтарда тұрып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
