Бүгін мәжілісте депутаттар дәрілік заттар мен медициналық бұйымдардың айналысы мәселелеріне қатысты заң жобасын талқылады, деп хабарлайды, ҚР парламенті мәжілісі аппаратының баспасөз қызметі.
Мәжіліс төрағасы бұл құжат қазақстандықтарды қолжетімді бағамен және сапалы, тиімді, қауіпсіз дәрілермен қамтамасыз етуге бағытталған аса маңызды құжат екенін айтты.
"Бүгін біз өте маңызды және өте қажетті заң жобасын мақұлдадық. Себебі, бұл заң жобасының әлеуметтік маңызы өте зор. Баршаңыз жақсы білесіздер, дәрілер бағасын заң деңгейінде реттеу - ол – тікелей елбасымыздың тапсырмасы. Сондықтан, бұл заң күшіне енген кезде, дәрілердің қолжетімді болуына және бағаның да тұрақты болуына жаңа серпін беруге тиіс. Сол үшін екінші оқылымға дейін тағы да жан-жақты қарап, осы талапқа сай заң дайындауымыз керек", - деді.
Заң жобасында алдағы жылдан бастап, дәрілік заттардың шекті бағаларын бекіту арқылы барлық дәрілік заттар бағаларын реттеу басқа да мақсаттар көзделіп отыр.
Осы мәселе бойынша депутаттық корпуста жұмыс топтарының арнайы отырыстарында дәрілік қамтамасыз ету бойынша парламенттік тыңдау өткен еді.
Онда айтылған ұсыныс, пікірлердің барлығы заң жобасын дайындау барысында ескерілген.
