Отбасылық-тұрмыстық зорлық-зомбылық туралы заң жобасы дайын және Мәжілістің қарауына жіберілетін болады. Бұл туралы Сенат депутаты Жанна Асанова мәлімдеді, деп жазады inbusiness.kz сайты.
Оның мәліметінше, 2023 жылы тұрмыстық зорлық-зомбылық салдарынан 69 әйел мен 7 бала қайтыс болған. Жалпы, тұрмыстық зорлық-зомбылық фактілері бойынша 99 мыңнан астам өтініш түсіп, балаларға қатысты 2452 қылмыс жасалған.
"Заң жобасы зорлық-зомбылықты криминализациялауды, яғни ұрып-соғу және денсаулығына жеңіл зиян келтіргені үшін қылмыстық жауапкершілікті (қазір, олар ҚР ӘҚБтК-де), оларды жария айыптаудың қылмыстық құқық бұзушылықтар санатына жатқызуды, сондай-ақ, балаларға қатысты зорлық-зомбылықтың барлық нысандары үшін жазаны қатаңдатуды және тараптардың татуласуын болдырмауды қамтиды.
Алдын алу бөлігінің құжатында отбасыларға, балаларға көмек көрсету инфрақұрылымын құру (отбасын қолдау орталықтарын, балаларды психологиялық қолдау орталықтарын ашу) көзделген", – деп атап өтті Жанна Асанова.
Сонымен қатар, мемлекеттік органдар Динара Закиеваның командасымен бірлесіп, қорғаншылық қызметкерлерінің санын 1650 адамға дейін арттыру жұмыстарын жүргізіп жатыр.
"Отбасы институтын нығайту, адам және жеке адамның құқықтарын құрметтеуге тәрбиелеу, ішкі өзара сыйластық – егер бұл құрамдастардың барлығы тепе-теңдікте болса, онда туған жер осы жерден басталады. Ал қасиетті және мызғымас нәрсе салу, адам құқығы деп аталады.
Біздің елімізде жеке адамның барлық құқықтары конституциялық түрде бекітілген және мемлекет қорғауында, бірақ олардың жүзеге асырылуы өзіміздің тарапымыздан", – деп қосты сенатор.
Айта кету керек, заң жобасымен сарапшылар, әйелдер құқықтары жөніндегі ұлттық комиссия, балалар құқықтары жөніндегі уәкілдер, мемлекеттік органдар, заңгерлер және т.б. тұратын үлкен топ жұмыс істеді.
