Қазақстанның еңбек сіңірген қайраткері, сондай-ақ әлемге әйгілі әнші Димаш Құдайбергеннің анасы Светлана Айтбаева ұлының қасында болашақта қандай қыз көргісі келетінін айтты.
"Әжесі Димаш үйге келеді деген сөзді естіген бойда сол күннен бастап дайындыққа кіріседі. Ол бала кезінен етті жақсы көреді.
Біз де басқа отбасылар сияқты қысқа дайындық жұмыстарын жүргіземіз. Жазда біз компот дайындаймыз, сонымен қатар тұздалған қияр банкаларын жабамыз. Сену қиын, бірақ тек Димаш үшін біз 100-ден астам банка жинаймыз.
Анасы Димаштың үйде дайындалған компотты жақсы көретінін айтып және оны күні бүгінге дейін рахаттана ішетінін жеткізді.
"Димаш үйленетін жаста. Менде ерекше талаптар жоқ. Егер ол бірдеңе істеуді білмесе, мен оған бәрін үйретуге дайынмын. Біз де бөтен үйге келгенде, жасай алмайтын нәрселеріміз болды.
Ең қызығы, мен бала кезімнен ішек-қарын тазалауды білдім. Мен де Димаш сияқты атам мен әжемнің қолында, ағам мен жеңгемнің қолында өстім. Қонақтар келгенде жеңгелер дайындалып үлгермейтін. Сол кезде оларға көмек беріп, ішек-қарын тазалауды 7-сыныпта үйрендім", - дейді ол.
Әншінің анасы қазіргі келіндердің өмірі жеңіл екенін атап өтті. Өйткені, интернеттен қажеттінің барлығын табуға болады, ал интернеттен алуан түрлі рецепттерді пайдалана отырып, тамақ дайындауды үйренуге болады. Светлана Айтбаева тапсырыс бойынша тағамға үзілді-кесілді қарсы екенін айтты.
"Егер мен және менің отбасым туралы айтатын болсақ, мен тамаққа тапсырыс беруді ұнатпаймын. Менің ойымша, бұл дұрыс емес", - деді ол.
