Димаш Құдайбергеннің "AQERKE" композициясы халықаралық Channel R Radio радиостанциясы өткізген #UltimateSummerCountdown қорытынды рейтингінде үшінші орын иеленді, деп хабарлайды inbusiness.kz сайты.
Биылғы қорытынды тізімге 20 композиция енген. Дауыс беру 3 қыркүйекте аяқталып, нәтижелері 5 қыркүйекте жарияланды.
Тыңдармандардың таңдауы бойынша "AQERKE" жаз маусымындағы ең танымал әндердің үштігіне кірді.
Channel R Radio — заманауи танымал музыка мен жаңа релиздерге бағытталған тәулік бойы жұмыс істейтін халықаралық онлайн-радиостанция.
Радио әлем тыңдармандарына мобильді қосымша және iHeartRadio, Audacy, TuneIn, Apple Music секілді платформалар арқылы қолжетімді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
