23 наурыз күні Димаш Құдайберген қатысып жатқан "Singer – 2017" ән додасының жобадан шығып қалған әншілеріне арналған "жұбату" бәсекесі аяқталды, деп хабарлайды inform.kz. Нәтижесінде, финалға 7 әнші жолдама алды.
Бұған дейін хабарлағанымыздай, 10 кезеңнен тұратын байқаудың іріктеу кезеңі аяқталды. Жобаның бастапқы үш әншісі, соның ішінде Димаш Құдайберген ақтық сынға тікелей жолдама алды. Ал кеше ғана өткен "жұбату" бәсекесіне байқаудан шығып қалған 10 әнші қатысып, оның тек 7-еуі финалға шықты.
Сонымен байқаудың шешуші бәсекесінде 10 әнші өнер көрсетеді.
"Singer 2017" ән додасының финалистері:
1. Димаш Құдайберген
2. Лин Илиан (Sandy)
3. Lion тобы
4. Линь Чжисюань
5. Ли Цзянь
6. Пэн Джияхуэй
7. Чжан Цзе
8. Ду Лиша (Teresa Carpio)
9. Чжан Бичэн
10. Юуань Явей (Tia Ray)
Айта кетейік, Димаш іріктеу кезеңдерінде төрт рет бірінші орын алып, жалпы есепте көш бастап тұр. Естеріңізге саламыз, жас әншіміз байқаудың оныншы кезеңінде өз әні "Ұмтылмас күнді" орындап, финалға жолдама алды.
Бұл кезең эфирден 25 наурыз күні көрсетіледі. Ал екі кезеңнен тұратын финал 8 және 15 мамыр күндері тікелей эфирден көрсетіледі.
