2025-2027 жылдары да елімізде "Дипломмен ауылға" бағдарламасы ауылдық аумақтарды білікті кадрлармен қамтамасыз етуде шешуші рөл атқарады, деп жазады inbusiness.kz сайты.
AMANAT партиясының 2003-2007 жылдарға арналған "Халықпен бірге" сайлауалды бағдарламасының Жол картасын орындау шеңберінде ауылдық жерге жіберілетін мамандарға бюджеттік несие беруге 2025 жылы 25 млрд теңге қарастырылған.
Бұл шамамен 2,8 мың маманды тұрғын үймен қамтамасыз етуге мүмкіндік береді, деп санайды Ұлттық экономика министрлігінің өкілдері.
Жобаға қатысушыларға мынадай әлеуметтік қолдау шарасы ұсынылады:
- 100 АЕК мөлшерінде біржолғы көтерме жәрдемақы;
- тұрғын үй сатып алуға немесе салуға аудан орталығында 2 500 АЕК, ауылдық елді мекенде 2 000 АЕК бюджеттік кредит бөлінеді.
Несие 15 жылға беріледі. Міндетті шарт – ауылдық жерде кемінде 3 жыл жұмыс істеу.
2023 жылғы 1 сәуірден бері жобаны іске асыру жөніндегі агент "Отбасы банк" АҚ. Цифрландыру мақсатында өтінім беру мен несие алудың барлық процесі Baspana Market – otbasybank.kz/programm-bank платформасында толықтай автоматтандырылған.
Жобаны іске асырудың 2009-2024 жылдардағы нәтижесі мынадай:
- 114 мыңнан астам маман 23,6 млрд теңгеге көтерме жәрдемақы алды;
- 52 мыңнан астам маман 189,5 млрд теңге сомасына бюджеттік кредитті пайдаланды.
Біржолғы көтерме жәрдемақы алушылардың құрылымы:
- Білім беру саласындағы мамандар – 78 мың адам (68,3%);
- Денсаулық сақтау қызметкерлері – 24,4 мың адам (21,4%);
- Мәдениет, спорт және әлеуметтік қорғау қызметкерлері – 6,9 мың адам (6%);
- Ауыл шаруашылығы мамандары – 4 мың адам (3,5%);
- Ауылдық округ әкімі аппаратындағы мемлекеттік қызметшілер-900-ге жуық адам (0,8%).
Тұрғын үй кредитін алушылардың құрылымы:
- Білім беру саласындағы мамандар – 35,1 мың адам (67,1%);
- Денсаулық сақтау мамандары – 11,6 мың адам (22,2%);
- Мәдениет, спорт және әлеуметтік қорғау қызметкерлері – 3,4 мың адам (6,4%);
- Ауыл шаруашылығы мамандары – 1,9 мың адам (3,6%);
- Ауылдық округ әкімі аппаратындағы мемлекеттік қызметшілер – 360-тан астам адам (0,7%).
