"Бүгінгі таңда АИ-92 маркалы бензинді сату нарығында тұрақтылық байқалып отыр. Ірі желілердің сату бағасы литріне 175 теңгеден аспайды. Агенттік өңірлік бензин сатушыларға және Petro retail, Sinooil, Helios cынды 3 ірі желіге бензин бағасына қатысты 14 хабарлама жолдады. Барлық нұсқаулар орындалды. Жалпы республикада бензин бағасының төмендеуі орта есеппен 3%-ды құрады", – деді агенттік төрағасы үкімет отырысында.
Серік Жұманғариннің сөзінше, дизель отының бір литрі ірі желілерде 200 теңгеден сатылып жатыр.
"Агенттік өңірлік дизель отынын бөлшек саудада өткізушілерге 19 ескерту және 4 ірі желіге нұсқау жасады. Нұсқау "Газпромнефть-Қазақстан", Petro retail, Sinooil, Helios компанияларына жіберілді. Олар нұсқауды орындады", – деді агенттік төрағасы.
Қанат Махамбет
