Ұлттық банк 22 қарашаға арналған ресми бағамында 1 долларды 494,87 теңге деп көрсеткен, деп жазады inbusiness.kz сайты.
Виталий Тутушкин (Ұлттық банк төрағасының орынбасары) айырбас пункттеріндегі санға қатты мән беретінін айтқан.
– Менің ойымша, санның өзіне көп мән береміз. Өсу қарқыны маңызды, – деген ол Сенат кулуарында.
БАҚ өкілдері одан "доллар құны 600 теңгеге дейін өсе ме?" деп сұраған.
– Біз болжам жасамаймыз. Бізде айырбас бағамы еркін режимде, – деп жауап қатты Тутушкин.
Жалпы, дәл бүгінде доллар Астана, Алматы қалаларындағы ақша айырбастау пункттерінде 494-499 теңге аралығында саудалануда.
Kurs.kz ақпаратына сәйкес, қазіргі уақытта Алматының ақша айырбастау пункттерінде доллар 496,9 теңгеден сатылса, сатып алу бағамы – 498,9 теңге. Еуро – 520,5-525 теңге аралығында.
Тиісінше, Астана қаласы бойынша долларды сату бағамы – 494 теңге болса, сатып алу құны – 499 теңге болып тұр.
