Ұлттық банктің төрағасы Тимур Сүлейменов валюта бағамына қатысты сұрақтарға жауап берді, деп хабарлайды inbusiness.kz сайты.
Оның айтуынша, шет мемлекеттердің валютасына, соның ішінде доллар бағамына тым қатты көңіл бөлудің қажеті жоқ.
Ұлттық банк басшысы жаңа ереже бойынша барлық айырбастау пункттері таблоларын алып үлгермегенін жеткізді. Оларға әзірге айыппұл салынбай, ескерту жасалып жатқан көрінеді.
"Мен кейбір айырбастау орындарының ақпараттық таблоны әлі алмағанын өз көзіммен көрдім. Көшеде жүріп, суретке түсіріп, тиісті бөлімшелерге жолдадым. Бұл талап 9 қыркүйектен бастап күшіне енді", – деді Сүлейменов.
Айта кету керек, бұған дейін Ұлттық банк базалық мөлшерлемені 18%-ға дейін көтергенін жазғанбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
