Дөң кен-байыту комбинатында жұмысшыны вагон сүйреп кетті

1636

Қазіргі кезде ол Ақтөбе қаласындағы жедел жәрдем ауруханасының хирургия бөлімінде ем қабылдап жатыр. 

Дөң кен-байыту комбинатында жұмысшыны вагон сүйреп кетті

Ақтөбедегі Дөң кен-байыту комбинатының жұмысшысы Аслан Қожағұловты кен орнында вагон сүйреп кетті. Ол бірнеше дене жарақатымен ауруханаға түсті, деп хабарлайды ҚазАқпарат.

Ақтөбедегі Дөң кен-байыту комбинатында тағы да оқыс оқиға тіркелді. Кен орнында жарылыс жасаушы болып жұмыс істейтін А.Қожағұловтың қабырғасы сынып, жабық бас-ми жарақатын алды.

"Шахтада жарылыс жасаушы болып жұмыс істейтін адам жараланып, аудандық ауруханаға жеткізілді. Науқастың айтуынша, оның сөмкесі вагонға ілініп қалып, сүйреп кеткен. Жабық бас-ми жарақатын алды. Бет терісі зақымданды. Қазіргі кезде ол Ақтөбе қаласындағы жедел жәрдем ауруханасының хирургия бөлімінде ем қабылдап жатыр. Жағдайы тұрақты", - деді Хромтау аудандық ауруханасының бас дәрігері Жолбасбек Қамбаров.

Еңбек инспекциясының мамандары Дөң кен-байыту комбинатында тексеру жұмыстарын бастады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу