АҚШ президенті Дональд Трамп қорғаныс министрі Джеймс Мэттиске елдің Ауғанстандағы қарулы күштерін күшейтуге рұқсат берді. Бірақ әзірге Пентагон бұл бағытта еш шешім қабылдаған жоқ деп хабарлайды 24.kz.
Қазір ауған жерінде 8 мыңнан аса америкалық әскери бар. "Вашингтон пост" газеті болса Ақүй ауған жеріне тағы 3 мың сарбаз аттандырып, НАТО-дан осындай көлемдегі құраммен қамтамасыз етуді сұрауы ықтимал екенін жазады.
Айта кетейік, мамыр айында қорғаныс министрінің өкілі генерал-лейтенант Винсент Стюарт конгрессте баяндама жасап, АҚШ пен НАТО-ның Ауғанстандағы стратегиясын өзгертуін ұсынған. Себебі "Талибан" радикалды қозғалысының ықпалы артып, бой бермей кетуі мүмкін. Ал соңғы уақытта негізінен ауылды жерлерді бақылап отырған тәліптер ірі қалаларға шабуылын жиілетті.
