/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Дональд Трампқа Макронның НАТО туралы пікірі ұнамады

Дональд Трампқа Макронның НАТО туралы пікірі ұнамады

Ақ үй жетекшісі ұйымға АҚШ-тың қазынасынан басқаларға қарағанда көп қаржы бөлініп жатқанына алаң. 

04 Желтоқсан 2019 17:35 193

Дональд Трампқа Макронның НАТО туралы пікірі ұнамады

Трамп НАТО саммитінің жұлдызы болды. Жиналғандарды әдеттегідей аузына қаратқан ол альянсқа мүше елдер жарна көлемін екі есе арттыруы қажет. Яғни, оны Жалпы ішкі өнімнің 4 пайызына дейін көтеру керек деп ұсыныс жасады, деп хабарлайды Atameken Business.

­­Ақ үй жетекшісі ұйымға АҚШ-тың қазынасынан басқаларға қарағанда көп қаржы бөлініп жатқанына алаң. Оған Макронның «НАТО-ның дәурені бітті» деген пікірі ұнамады. Трамптың пікірінше, ішкі мәселелерін шеше алмай отырған Франция альянсқа мұқтаж. 

«Егер күні ертең бірдеңе бола қалса, біз оларды қорғауымыз керек. Бұл – әділетсіздік. Сондықтан олар да ақша шығаруы керек. Ертең Германиямен осы мәселені талқылаймыз. Олар қаржы шығарады. Егер қарсы шыққандар болса, сауда қатынастарына қатысты бірдеңе жасауға тура келеді.  2 пайыз деген – өте төмен көрсеткіш. Оған да жетпейтіндері бар», – дейді ол.

Бүгін Дональд Трамп пен Ким Чен Ын кездеседі

Қазір Ханойда саммитке соңғы дайындықтар жүріп жатыр. Саммитте тараптар Корея түбегін ядролық қарудан азат етуге қатысты нақты шаралар қабылдауы мүмкін.

26 Ақпан 2019 14:42 363

Бүгін Дональд Трамп пен Ким Чен Ын кездеседі

Солтүстік Корея басшысы Ким Чен Ын Вьетнам астанасына келді. Салтанатты қабылдаудан соң ол шаһар орталығында орналасқан «Мелия Ханой» қонақүйіне бет алды, деп хабарайды 24.kz.

Қазір Ханойда саммитке соңғы дайындықтар жүріп жатыр. Екі күндік жиын ертең басталуға тиіс. АҚШ президенті Дональд Трамп кездесуге бүгін барады.

Айта кетейік, екі ел басшысының алғашқы тарихи жүздесуі былтыр жазда Сингапурде өткен еді. Онда тараптар бірлескен құжат қабылдап, Пхеньян ядролық қарусыздануды жүргізуге ал Вашингтон қауіпсіздік кепілдігін беруге келіскен болатын. Ал ертеңгі саммитте тараптар Корея түбегін ядролық қарудан азат етуге қатысты нақты шаралар қабылдауы мүмкін.

АҚШ президенті Ғарыш әскерін құру туралы заңға қол қойды

Жасақталатын жаңа құрам Әуе күштеріне бағынатын болады. 

21 Ақпан 2019 08:36 392

АҚШ президенті Ғарыш әскерін құру туралы заңға қол қойды

АҚШ-та әскердің жаңа түрі – Ғарыш күштері құрылатын болды. Тиісті құжатқа президент Дональд Трамп қол қойды, деп хабарлайды 24.kz.

Елде 6-әскер болып жасақталатын жаңа құрам Әуе күштеріне бағынатын болады. Ал басшысын президент тағайындап, конгресс бекітеді.

Еске сала кетейік, президент Трамп ғарыш әскерінің құрылатыны жөнінде өткен жылдың маусым айында мәлімдеген.

«Ғарыш кеңістігі – ұлттық қауіпсіздіктің ажырамас бөлігі. Қазір өзге елдер ғарыштағы мүмкіндіктерін жан-жақты дамытып, дағдарысты жағдайда әрекет ету тәсілдерін дайындауды қолға алған. Сондықтан мұндай әскер түрі елге қажет», – деді Дональд Трамп.