"Былтыр ТМД өзінің 30 жылдық мерейтойын атап өтті. Бүгінгі таңда Достастық дамудың жаңа кезеңіне аяқ басты. Өткен жылы ұйым өзінің қажеттілігін дәлелдей түсіп, елдеріміз арасындағы достық қарым-қатынастың берік іргетасына айналды. Көпқырлы ынтымақтастық өзара сенім, прагматизм және мүдделер теңгерімін сақтау қағидатын негізделіп құрылған. Біздің өзара іс-қимылымыз әлемдік экономикада болып жатқан жағымсыз үрдістерді төмендетуді жалғастыруда, өзара тиімді әріптестікті дамытуға ықпал етеді. Қазақстан ТМД-ның белсенді қатысушыларының бірі ретінде ынтымақтастықты кеңейтуге, әлеуетті нығайтуға және оның мүмкіндіктерін ашуға мүдделі", - деді Үкімет басшысы.
Ол Қазақстанның төрағалығы аясында барлық басым бағыттардағы ынтымақтастықты тереңдету бойынша нақты жұмыс жүргізілгеніне тоқталды. Соның ішінде сауда-экономикалық салаға ден қойылған көрінеді.
"ТМД кеңістігіне экономикалық тұрақтылықты қамтамасыз ету жөніндегі шараларды іске асыру мақсатында туындайтын проблемаларға бірлесіп ден қою шараларының тізбесі қабылданды. Құжат өзара инвестицияларды ынталандыруды, өнеркәсіптік кооперацияны тереңдетуді, кедендік реттеуді жеңілдетуді, жаңа логистикалық тізбектерді қалыптастыруды және цифрлық технологияларды енгізуді көздейді. Гуманитарлық ынтымақтастықтың маңызды бағыты – жастар саласындағы байланысты нығайту", - деді ол.
Үкімет басшысының айтуынша, ғылыми саладағы өзара іс-қимылды кеңейту биыл қабылданған перспективалы ғылыми жобалардың тізбесін іске асыруға ықпал етеді.
Сонымен қатар Әлихан Смайылов Қазақстанның 2022 жылы ТМД-да төрағалық етуінің жоспарланған іс-шаралары толық көлемде орындалғанын атап өтті.
