11 қарашада өнеркәсіптік және энергетикалық компаниялардың акцияларының бағасы көтерілгеннен кейін Dow Jones индексі өсті. Яғни индекс 0,9%-ға немесе 262,95 пунктке артып, 29 420,92 пунктке жетті.
Ал Nasdaq 159,53 пунктке немесе 1,4%-ға төмендеп, 11 553,86 пункт болды. Ескере кететін жайт, акциялардың өсуіне түрткі болып келген ірі технологиялық компаниялардың акциялары осымен екінші сессия қатарынан арзандап жатыр. S&P500 индексі 4,97 пунктке кеміп, 3 545,53-ке тірелді.
Еске сала кетсек, 10 қарашада Токиодағы қор биржасының негізгі индекстері 1,5%-ға өскен болатын. Бұған Германияның BioNtech деп аталатын компаниясы мен оның америкалық серіктесі Pfizer-дің коронавирусқа қарсы вакцинаны тіркеу туралы өтінімді АҚШ-қа жіберуі себеп болды. Осы жаңалықтан кейін инвесторлар пандемиядан қатты зардап шеккен әуе компанияларының, бөлшектік сатушылардың, аймақтық банктердің акцияларын сатып ала бастады.
Табиғат Нұрболат
