/img/tv1.svg
RU KZ
ДСМ: Індет ушықса да, емханалар жұмысын тоқтатпайды

ДСМ: Індет ушықса да, емханалар жұмысын тоқтатпайды

Барлық емханада шұғыл науқастарды қабылдауға арналған сүзгі-есіктер дайындалған. 

01 Қазан 2020 18:00 234

ДСМ: Індет ушықса да, емханалар жұмысын тоқтатпайды

Коронавирустың кезекті толқыны келіп, індет ушықса да, емханалар жаздағыдай жұмысын тоқтатпайды. Бұл туралы Денсаулық сақтау министрінің орынбасары Ажар Ғинаят айтты. 

«Ауру ушықса да, емханалар толыққанды жұмыс істейтін болады. Олардың жұмысы тоқтатылмайды. Барлық санитарлық талап сақталатын болады. Барлық емханаға науқастар тек алдын ала жазылу арқылы келеді. Ал шұғыл ауырып қалған адамдар арнайы жасалған сүзгі-кабинеттер арқылы басқа есіктен кіргізілетін болады. Бұл инфекция емхананың басқа бөлімдеріне таралып кетпеуі үшін керек», деді вице-министр.

Есжан Ботақара

Екінші тоқсанда офлайн оқуға көшеміз бе?

ДСМ орта білімді жаппай мектепке көшіру мүмкіндігін қарастырып жатыр.

14 Қазан 2020 12:42 878

Фото: astana.gov.kz

Денсаулық сақтау министрі Алексей Цой мектептерде офлайн сабақты жандандырудың мүмкіндігіне қатысты пікір білдірді.

«Біз қазір бұл мәселені қарастырып жатырмыз. Бір жағынан әрбір өңір бойынша оқушылардың арасында ауруды анықтау жүріп жатыр. Офлайн жүйеде мектепке келіп, білім алып жатқан оқушылар онлайн жүйе арқылы үйден оқып жүрген балаларға қарағанда екі есе жиі ауырады. Білім министрлігімен бірге дайындаған тәсілдеріміз бар. Ол тәсіл осындай сыныптарда білім алу мүмкіндіктерін қарастырған. Екінші тоқсанда сабақ қандай форматта жүргізілетінін талқылап жатырмыз», – деді министр. 

Ресми дерек бойынша оқу жылы басталғаннан бері кезекші сыныптарда офлайн білім алған 73 бала коронавирус жұқтырған. Вице-министр Ажар Ғинаят сол балалардың қазіргі жағдайы туралы мәлімет берді.

«Бүгінде  оқушылардың коронавируспен ауырған 184 жағдайы тіркелді. Оның ішінде 73 оқушы кезекші сыныптарда оқыған. Өңірлер бойынша айтсақ, Шығыс Қазақстан облысындағы 17 мектепте 21 жағдай тіркелді. Бұлайша нақтылап отырғаным, әр мектепте 1-2 жағдайдан анықталған. Солтүстік Қазақстанның 11 мектебінде 15 жағдай, өзге өңірлерде 1-2 жағдайдан байқалды. Ауыр дәрежеде науқастанған балалар жоқ. 73 баланың бүгінде 12-сі стационарлық ем алып жатыр. Жағдайлары орташа ауыр дәрежеде», – деді Ажар Ғинаят.

Есжан Ботақара

Коронавирусқа қарсы дәрі сатып алудың қажеті жоқ – ДСМ

Учаскелік дәрігерлер вирусқа қарсы дәрілерді тегін тағайындайды. 

02 Қазан 2020 09:15 0

Коронавирустың кезекті толқынына дайын болу үшін дәріханаға жүгірудің қажеті жоқ. Бұл жолы дертіне дауа іздегендер емханаларға жүгінетін болады. Өйткені жергілікті емханалар індетке төтеп беретін дәрілермен жабдықталып отыр. Бұл туралы Денсаулық сақтау вице-министрі Ажар Ғинаят айтты.

«Бүгінде  барлық емханада коронавирустан амбулаторлық емделуге қажет дәрі-дәрмек бар. Бұл бес дәріні біздің учаскелік дәрігерлер тағайындайды. Сондықтан коронавирус инфекциясының ықтимал екінші толқынына дайындалу үшін ешқандай дәрі-дәрмек сатып алудың қажеті жоқ. Сондай-ақ, тегін дәрілердің тізбесіне жедел респираторлық вирустық инфекциямен және пневмонияның бактериялық, вирустық түрлерімен ауырғандарға да 5 дәрі енгізілді. Оған ыстық түсіретін, қабынуға қарсы дәрілер мен антибиотиктер кіреді. Барлық дәріні учаскелік дәрігер науқастың жағдайына қарай  тағайындайды»,  деді Ажар Ғинаят.

Есжан Ботақара