ҚР ұлттық экономика министрлігі "Инвестицияларды дамыту мақсатындағы жәрдемдесу саласындағы достар" ДСҰ тобымен әріптестікте "Еуразиялық көзқарас: Сауда және инвестицияларды дамыту мақсатындағы дамыту" жоғары деңгейдегі форумын ұйымдастырды.
Іс-шараның ашылуына Қазақстанның премьер-министрі Бақытжан Сағынтаев пен ДСҰ бас директоры Роберт Азеведо қатысты.
Форум жұмысына, сондай-ақ, алдыңғы екі күн бойы Қазақстан астанасында өткізілген ДСҰ-ға қосылу жөніндегі "дөңгелек үстелдің" спикерлері қатысты. Қатысушылар арасында 40-қа жуық ДСҰ-ға мүше және ДСҰ-ға бақылаушы елдердің (ТМД, Азия аймағы, Шығыс Еуропа және Таяу Шығыс елдері) министрлері мен делегация басшылары бар.
2022 жылға қарай Қазақстанға $118 млрд. тікелей шетел инвестициясы тартылмақ, оның $24,6 млрд-ын тиімділікке бағдарланған тікелей шетел инвестициясы құрайды.
Бұдан бұрын айтылғандай, Астана қаласында 26-27 қыркүйекте түрлі елдер сарапшылары Дүнижүзілік сауда ұйымына қосылу жөніндегі жетінші "дөңгелек үстелге" қатысқан болатын. Мұндай іс-шаралар барысында ДСҰ-ға қатысушылар жаңа мүшелердің сауда жүйесіне қосылуын талқылайды. Оның ішінде, қатысушылар қосылу үдерісінің зиянсыз әрі зор тиімділікпен өтуіне қатысты тәжірибелерімен бөліседі. Астанада мұндай кездесу алғаш рет өткізіліп отыр.
