Дубай үкіметі германиялық стартап Volocopter-мен 2017 жылдың соңында әуе таксилерін іске қосу туралы келісім жасады, деп хабарлайды ҚазАқпарат.
Volocopter-дің негізін қалаушылардың бірі Александр Зосельдің айтуынша, Дубайдың жол және көлік агенттігі көптеген үміткерлердің арасынан сынақтан өткізгеннен кейін оның компаниясын таңдап алған. Сынақ мерзімі 5 жылға созылады. Volocopter 2X 160 килограмм жүкті тасымалдауға қауқарлы. Ол ең көп жүктемемен 27 шақырымға дейін сағатына 70 шақырым жылдамдықпен ұша алады. Құрылғының максималды жылдамдығы - 100 км/с. Аэротакси қуаты 2 сағатқа дейін жететін электр батареясымен жұмыс істейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
