Бұл туралы inbusiness.kz Reuters агенттігіне сілтеме жасай отырып хабарлайды.
30 қыркүйекте жарияланған қаржылық көмек Ұлыбританияның кепілдігімен берілді. Көмек көлемі бастапқыда 530 млн долларды құрады.
Бұған дейін Дүниежүзілік банктің президенті Дэвид Малпас түсіндіргендей, Украинаға Дүниежүзілік Банктің жобалары мен сенім қорлары арқылы 11 миллиард доллар бөлінді.
Дүниежүзілік Банктің қорлары арқылы Украинаның негізгі несие берушісі - Америка Құрама Штаттары. Тамыз айында банк Вашингтонның бюджет тапшылығын азайтуға көмектесу үшін Киевке 4,5 миллиард доллар көмек бөлу туралы шешімін хабарлады. Ақша халықаралық даму агенттігі (USAID) арқылы беріледі.
Сонымен қатар, Украинаның өзінде ай сайын 5-6 миллиард доллар қаражат қажет екені айтылады. Бұл туралы Welt-ке берген сұхбатында Украина Президентінің экономикалық мәселелер жөніндегі көмекшісі Александр Роднянский мәлімдеді.
"Жалпы ЕО-дан біз ай сайын шамамен 2 миллиард доллар күтеміз", - деді ол.
Сонымен қатар, Германия 2023 жылы Украинаға айына 500 миллион доллар бере алатынын айтты. Шілде айында Украина билігі елдің экономикасы мен инфрақұрылымын қалпына келтіру үшін жыл сайын 30 миллиард доллардан 100 миллиард долларға дейін қаражат қажет деп хабарлады. Тамыз айында президент Владимир Зеленский 600-800 миллиард доллар туралы айтты.
