Меймандар облыс әкімдігінің бөлім басшыларына агломерациялық орталықтардың экономикалық даму жобасын таныстырды, деп хабарлайды inbusiness.kz.
Кездесу барысында тараптар Ұлытау облысы мен Дүниежүзілік банк арасындағы өзара тиімді және ұзақ мерзімді ынтымақтастық мәселелерін, сондай-ақ ынтымақтастықтың басым бағыттарында инвестициялық жобаларды іске асыру барысын талқылады.
Атап айтқанда, көлік инфрақұрылымын жақсарту, туризмді, агроөнеркәсіптік кешенді, тұрғын үй-коммуналдық шаруашылықты дамыту жөніндегі жобаларды іске асыру тетіктерін сөз етті.
Сонымен қатар, жиналғандар экономиканы әртараптандыру, индустриялық-инновациялық даму, экологияны жақсарту мәселелері бойынша пікір алмасты. Дүниежүзілік банктің басым жобаларды инвестициялауға белсенді қатысуы Ұлытау облысының серпінді экономикалық дамуының драйверлерінің бірі болуы мүмкін екендігі атап өтілді.
Кездесу соңында тараптар жоғарыда аталған мәселелер бойынша ынтымақтастықты нығайтуға келісті.
