Ақпараттың анық-қанығын Мемлекеттік кірістер комитеті нақтылады, деп хабарлайды inbusiness.kz сайты.
– Әңгіме жеке кәсіпкер ретінде тіркелмей кәсіпкерлік қызметпен айналысатындарға қатысты болып отыр. Комитет қызмет түріне қарамастан, жеке тұлғалардың салық төлеу міндетін әкімшілендіру арқылы қадағалайды. Аталған қызмет түрлерімен айналысатын адамдар, яғни іс-шара жүргізушілері, тамадалар, әншілер салық міндеттемелерін басқа азаматтар мен кәсіпкерлер сияқты жалпы негізде орындайды, бұл салық салудың әділдік қағидатына сәйкес, – делінген комитет таратқан ақпаратта.
Сонымен қатар, Кірістер комитеті камералдық бақылау табыс тапқан барлық тұлғаға теңдей жүргізілетінін еске салды.
Ақпан айынан бастап Мемлекеттік кірістер комитеті табысын төмен көрсеткен 600-ге жуық блогерге хабарлама жібере бастаған еді. Тексеру, салыстыру қорытындысында 594 тұлғаның табысында 53,3 млрд теңгеге сәйкессіздік анықталған болатын.
