Telegram негізін қалаушы Павел Дуров 24 тамызда Париждегі Ле Бурже әуежайында ұсталғаннан кейін мессенджердің танымалдығы артты, деп хабарлайды inbusiness.kz сайты TechCrunch порталына сілтеме жасап.
Sensor Tower аналитикалық компаниясының зерттеуіне сәйкес, Telegram-дың бүкіл әлем бойынша iOS-қа жүктелуі алдыңғы күнмен салыстырғанда 26 тамызда 4%-ға өсті. Дуров ұсталған Францияда мессенджер әлеуметтік желілер санатындағы App Store-да жүктеулер бойынша көшбасшы болды және қосымшалардың жалпы рейтингінде үшінші орынға шықты.
Әдетте, Apple-дің App Store рейтингі қосымшаларды орнату саны мен жүктеу жылдамдығы сияқты көрсеткіштердің жиынтығын, сондай-ақ басқа факторларды көрсетеді, деп атап өтті TechCrunch.
Америкалық App Store сегментінде Telegram әлеуметтік медиа рейтингінде үшінші орынға ие болды (26 тамыз күні таңертең екінші болды) және демалыс күндері App Store үздік қосымшалары рейтингінде 18-інші орыннан 8-ге дейін көтерілді (ойындарды есептемегенде). Appfigures қосымшасын жасаушының айтуынша, бұл платформадағы Telegram-ның ең жоғары рейтингі, кем дегенде 2023 жылдың 1 қаңтарынан бастап.
