Джеки Чан мұқтаж азаматтарға көмек көрсеткісі келетінін, бұл үшін бұқаралық ақпарат құралдарының көмегі қажет болатынын жеткізді, - деп хабарлайды 24.kz.
"Журналистер елдегі проблемаларды маған айтып отырса, мен ол мәселені шешуге тырысамын", – деді белгілі актер тілшілерге берген сұхбатында. Сондай-ақ Джеки біздің елде кино түсіруге әзір екенін де айтты.
-10 жыл бұрын Қазақстанның Гонконгтегі елшісі маған Қазақстан туралы, оның жер байлығы туралы айтқан. Шынын айту керек, осы елге келіп, кинематографиямен айналысуды баяғыдан армандап едім. Бірақ уақыттың тапшылығынан бұл ойымды осы күнге дейін жүзеге асыра алмадым. Келешекте осында кино түсіремін деген жоспар бар, - деді Джеки Чан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
