Құжатқа қатысты сауда және интеграция министрі Бақыт Сұлтанов мәлімдеме жасады, деп хабарлайды Inbusiness.kz.
"Армения Республикасының Еуразиялық экономикалық одаққа қосылуы барысында 2022 жылғы 1 қаңтарға дейін кейбір тауарларға қатысты Еуразиялық экономикалық одақтың бірыңғай кедендік тарифінде көзделгеннен неғұрлым төмен импорттық кедендік баж қолдану мүмкіндігі берілген", – деді министр.
Бақыт Сұлтановтың сөзінше, осыдан 2 жыл бұрын жоғары еуразиялық экономикалық кеңес жиынында Арменияның премьер-министрі бірыңғай кедендік тарифке көшу кезеңін ұзарту туралы ұсыныс жасады. Нәтижесінде
Еуразиялық экономикалық одақ мемлекеттерінің басшылары өтпелі кезең 2019 жылы аяқталған тауарларға қатысты төмен импорттық бажды қолдану мерзімін 1 жылға ұзартуға келісті. Осылайша былтыр шығарып тастау тізбесі 647 тауар позициясын құрады.
"2021 жылғы 1 қаңтардан бастап Арменияда тек 94 тауар қалды. Осы тауарға
2022 жылғы 1 қаңтарға дейін төменгі импорттық баж салығы қолданылады. Бұл ет, жарма, көкөніс, асыл тас және түрлі жабдықтар", – деді сауда және интеграция министрі.
Қанат Махамбет
