Мемлекеттік кірістер комитетінің мәліметінше, пилот жоба аясында қадағалау жүзеге асырылатын тауарлар тізбесіне сыртқы экономикалық қызметтің тауар номенклатурасының 11 коды (тұрмыстық тоңазытқыштар мен мұздатқыштар) енгізілген.
"2022 жылғы 1 шілдеде Еуразиялық экономикалық одақтың кедендік аумағында қадағалауға жататын тауарлар және бұл тауарлардың айналымымен байланысты операция туралы мәліметтер пилот жобаны іске асырған күннен бастап 1 айда электрондық шот-фактуралардың ақпараттық жүйісіне енгізілуге тиіс. Ақпараттық жүйеде мұндай мәліметтер болмаған кезде тауар бір мүше мемлекеттің аумағынан екінші мемлекеттің аумағына өткізілмейді", - деп жазылған хабарламада.
Жоғарыда көрсетілген тауарлар тізбесі Еуразиялық экономикалық комиссия кеңесінің 2022 жылғы 21 қаңтардағы № 2 шешімімен бекітілген.
