/img/tv1.svg
RU KZ
ЕАЭО-ға мүше мемлекеттер Қытаймен ұлттық валютасында есеп айырысуы қажет

ЕАЭО-ға мүше мемлекеттер Қытаймен ұлттық валютасында есеп айырысуы қажет

Қытай АҚШ-пен сауда соғысынан кейін доллардан бас тартып жатыр.

18 Қыркүйек 2020 15:55 283

ЕАЭО-ға мүше мемлекеттер Қытаймен ұлттық валютасында есеп айырысуы қажет

Одақтас мемлекеттердің әрқайсысы Қытаймен тек өз ұлттық валютасында ғана есеп айырысу қажет. Еуразиялық экономикалық комиссияның Интеграция және макроэкономика министрі Сергей Глазьев осындай ұсыныс жасап отыр, деп хабарлайды Atameken Business.

Келтірген дәйегіне қарағанда, қазір одақтас 5 мемлекеттің ішкі сауда-саттығы да, ресми Бейжіңмен де жеке алыс-берісі мейлінше өскен. Сондықтан енді қаржылық бақылау жүйесін біріктіру мұқтаждығы туындап тұр. Қытай да қазір АҚШ-пен сауда соғысынан кейін доллардан бас тартып жатыр. Сондықтан стратегиялық әрептестерімен тауар айналымында ұлттық валютасы – юаньмен есеп айырысуды бастаған.

Екі елге ортақ Жол картасы қабылданды

Биыл 9 айда Қазақстан мен Өзбекстан арасындағы ауыл шаруашылығы өнімдерінің айналымы $770 млн-ға жуықтады.

18 Қараша 2019 12:16 496

ҚР премьер-министрі Асқар Мамин Өзбекстан Республикасының ауыл шаруашылығы министрі Жамшид Ходжаевтың жетекшілігімен келген делегацияны қабылдады, деп хабарлайды primeminister.kz. 

Премьер-министр агроөнеркәсіптік кешен өнімдерін өзара жеткізуді арттыру, инвестициялық жобаларды бірлесіп жүзеге асыру және үшінші елдердің нарығына шығу үшін едәуір әлеуеттің бар екенін атап өтті. 

Биыл 9 айда екі ел арасындағы ауыл шаруашылығы шикізаты өңделген өнімдері мен ауыл шаруашылығы өнімдерінің тауар айналымы $770 млн-ға жуықтады. Қазақстанның Өзбекстанға экспортының негізгі көлемі бидай мен меслинге, бидай немесе бидай-қара бидай ұнына, кұнбағыс дәніне, қантқа, ірі қара малға, бидай қалдығына тиесілі. Өзбекстан Қазақстанға негізінен шие мен қызыл шие, балғын жүзім, өрік, қызанақ, шабдалы, құрма, көкөніс экспорттайды.

Келіссөздер қорытындысы бойынша үкімет басшысының қатысуымен екі елдің ауыл шаруашылығы министрлері Қазақстан мен Өзбекстан арасында ауыл шаруашылығы саласында орташа мерзімді преспективаға ынтымақтастықты жандандыру жөніндегі Жол картасына қол қойды. 

Құжат ауыл шаруашылығы ғылымы, өндіріс, сертификаттау, сауда, цифрландыру, ветеринария және мал шаруашылығы, өсімдіктер карантині салаларында 2019-2024 жылдары өзара іс-қимылды дамыту шараларын қамтиды. 

Президент: Қазақстан Азияға ашылған қақпа болса, Беларусь Еуропаға салынған көпір

Қасым-Жомарт Тоқаев тауар айналымын ұлғайту үшін екі ел үкіметтері арасында Арнайы ұзақмерзімді жоспарды әзірлеу жөнінде уағдаластыққа қол жеткізілгенін хабарлады.

25 Қазан 2019 16:11 601

Фото: akorda.kz

Екіжақты шағын және кеңейтілген келіссөздер қорытындысы бойынша Қасым-Жомарт Тоқаев пен Александр Лукашенко Бұқаралық ақпарат құралдары өкілдері үшін бірлескен баспасөз мәслихатын өткізді, деп хабарлайды Ақорданың баспасөз қызметі.

Қазақстан Президенті тауар айналымын және жеткізілетін тауарлар санын ұлғайту үшін екі ел үкіметтері арасында Арнайы ұзақмерзімді жоспарды әзірлеу жөнінде уағдаластыққа қол жеткізілгенін хабарлады және Еуразиялық экономикалық одақтың мүмкіндіктерін пайдаланудың маңыздылығына тоқталды.

Мемлекеттердің географиялық ерекшеліктеріне тоқталған Қасым-Жомарт Тоқаев екі елдің өзара қарым-қатынастарында маңызды рөл атқаратын көлік-транзиттік іс-қимылдары жөнінде айтты.

«Егер Қазақстан Азияға ашылған қақпа болса, Беларусь Еуропаға салынған көпір. Сондықтан елдеріміздің «Бір белдеу, бір жол» жаһандық бастамасының бір бөлігі болуы бекер емес. Оның жүзеге асырылуы сауда-экономикалық байланыстарымызға тың серпін береді», – деді Мемлекет басшысы.

Сонымен қатар Қасым-Жомарт Тоқаев Біріккен көлік-логистикалық компанияның жұмысын оң бағалады. Қазақстан мен Беларусь бұл кәсіпорынның акционерлері саналады. Президенттің айтуынша, компанияның соңғы үш жыл ішіндегі қызметінің нәтижесінде Қазақстан мен Беларусь арқылы Қытай – Еуропа – Қытай бағыты бойынша контейнерлік темір жол тасымалы шамамен 6,5 есеге артқан.

Мемлекет басшысы Назарбаев Университетінің, «Astana Hub» халықаралық IT-стартаптар технопаркінің, Минскідегі жоғары технологиялар паркінің табысты қызметін үлгі ете отырып, IT саласындағы өзара ынтымақтастықтың әлеуетін атап өтті.  Сондай-ақ қаржы саласына қатысты «Астана» халықаралық қаржы орталығы аясында ықпалдастық орнатуды ұсынды.

Мемлекет басшысы екі ел арасындағы мәдени-гуманитарлық байланыстарды, ғылым және білім саласындағы ынтымақтастықты одан әрі дамыту маңызды деп санайтынын айтты.

Президент келіссөздер барысында Ұлы Отан соғысындағы Жеңістің 75 жылдығын атап өту мәселесі де көтерілгенін атап өтті.

«Сол сұрапыл жылдары барлық кеңес халқы сияқты қазақ-беларусь халықтары да неміс басқыншыларына тізе қосып қарсы шықты. Басқыншылар әскерінің алғашқы соққысын қабылдаған Беларусь ең ауыр шығынға ұшырады. Біз әкелеріміздің ерен ерлігін ұмытуға хақымыз жоқ. Қаза тапқан жауынгерлердің рухына тағзым етуге міндеттіміз», – деді Қасым-Жомарт Тоқаев.  

Сөз соңында Қасым-Жомарт Тоқаев Александр Лукашенконың сапары өзара сенім мен түсіністік рухында өткенін айтып, қол жеткізілген уағдаластықтар мен қабылданған шешімдер екі ел халықтарының игілігіне қызмет ететіне сенім білдірді.