Нұр-Сұлтан қаласында Еуразиялық экономикалық одақ: маңызы, жетістіктері, даму болашағы тақырыбында өткен неміс бизнесінің конференциясында "Атамекен" ҚР ҰКП басқарма төрағасының орынбасары Евгений Больгерт ЕАЭО құрамына кіретін Қазақстан, Ресей, Беларусь, Қырғызстан, Армения мемлекеттерінің біріккен әлеуетінің ауқымын былай түсіндірді:
"ЕАЭО-да бизнесмендер үшін зор мүмкіндік бар. Ортақ нарықтың әлеуеті туралы қызықты ақпаратқа тап болдым. Одаққа кіретін бес елдің экономикасының жиынтық ауқымы жайлы сандар келтірейін: ЕАЭО мұнай өндіруден әлемде 1-орында, газ өндіруден 1-орында, минералды тыңайтқыштар шығарудан 2-орынды иеленсе, бидай жинаудан 3-орын, электр қуатын өндіруден 4-орын алады. Нарықтағы адам саны – 183 миллионнан астам. Қазақстан үшін ЕАЭО үлкен мүмкіндіктер беретін нарық болып қала бермек. Кәсіпкерлердің тұрақты дамып отыруына нарықтың әлеуеті бар. Сонымен қатар, бұл – сын-тегеурін. Қазақстандықтар ортақ нарықта табысты болуы үшін бәсекелесуіне тура келеді",– деді "Атамекен" ҚР ҰКП басқарма төрағасының орынбасары Евгений Больгерт.
Нұржан Көшкін
