"Мемлекеттік қызметтерді алу кезінде отбасы туралы қате мәліметтер анықталуы мүмкін. Мәселен, бала көрсетілмейді немесе бөтен баланың ақпараты пайда болады. Мұндай жағдайларда АХАЖ ақпараттық жүйесіндегі деректерді өзгерту қажет. Өзгертулерді мекемеге бармай-ақ, eGov.kz арқылы енгізуге болады. Енді бұл сервис eGov mobile мобильдік қосымшасында да қолжетімді", – дейді "Ұлттық ақпараттық технологиялар" АҚ Басқарма төрағасы Ростислав Коняшкин.
eGov mobile қосымшасында бұл функцияларды пайдалану үшін:
- қызметтер қойындысын ашу;
- қызметтер каталогында "Туу, неке және өлім"
- АХАЖ АЖ "мәліметтерді өзектендіру";
- акт жазбасының түрін таңдау;
- "іздеу" түймесін басу;
- егер деректер көрсетілмесе, "мәліметтерді өзектендіру" батырмасын басу қажет (егер деректер көрсетілсе, "өзекті мәліметтер" батырмасын басу қажет);
- әрі қарай қызметке қол қою керек.
Мұндағы мақсат – цифрлық трансформация және мемлекеттік басқарудың барлық салаларының жүйелі реинжинирингі.
Азаматтық хал актілерінің іс-қимылдары жөніндегі аталған мәліметтердің цифрландырылуы және АХАЖ ақпараттық жүйесінде болуы үшін құжаттардың сканерленген көшірмелерін eGov mobile қосымшасы арқылы жіберу жеткілікті.
Сондай-ақ бұл сервис eGov.kz порталында да көрсетіледі. Қызмет іске қосылған сәттен бастап 83 мыңнан астам адам өз деректерін өзгерткен.
