"Эйр Астана" әуе компаниясының Санкт-Петербор-Нұр-Сұлтан рейсінде жарылыс қаупі тіркелді, деп хабарлайды inbusiness.kz тілшісі ҚазТАГ-қа сілтеме жасап.
"17 қарашадан 18 қарашаға қараған түні "Эйр Астана" әуе компаниясының КС 138 рейсінің Санкт-Петербор-Астана ұшағында жарылыс қаупі тіркелді", – деп жазылған хабарламада.
Бірақ әуе компаниясының баспасөз қызметі бұл ақпаратты жоққа шығаруға асықты.
"Бұл жалған", – деді агенттікке әуе компаниясының қоғаммен байланыс бөлімінің үйлестірушісі Тілек Әбдірахымов.
Алайда ресми мемлекеттік органдар бұл ақпаратты растады.
"Нұрсұлтан Назарбаев әуежайы, "Эйр Астана" байланыс орталығына сағат 00:45-те (2021 жылғы 18 қараша) Пулково-Нұр-Сұлтан 138 рейсінің ықтимал жарылысы туралы ақпарат келіп түсті. Сағат 02:49-да Пулково-Нұр-Сұлтан 138 рейсінде жағдай реттелді", – деп хабарлады редакцияның сауалына жауап берген ҚР Индустрия және инфрақұрылымдық даму министрлігінің баспасөз қызметі.
