Екі апта бойы әлеуметтік маңызы бар азық-түлік бағасы өспеген

Екі апта бойы әлеуметтік маңызы бар азық-түлік бағасы өспеген

13 Қараша 2021 12:16 527

Екі апта бойы әлеуметтік маңызы бар азық-түлік бағасы өспеген
Үкімет басшысы инфляцияны 8,5% деңгейінде ұстап тұруға тапсырма берді.  

Қазақстанда екі апта бойы әлеуметтік маңызы бар азық-түлік бағасы өспеген, деп хабарлайды inbusiness.kz порталы primeminister.kz-ке сілтеме жасап.

Премьер-Министр Асқар Мамин Үкіметтің цифрлық кеңсесінде орталық мемлекеттік органдар басшыларының және өңірлер әкімдерінің қатысуымен әлеуметтік маңызы бар азық-түлік тауарларының (ӘМАТ) бағаларын реттеу мәселелері бойынша кеңес өткізді.

Жиынға Сауда және интеграция вице-министрі Ержан Қазанбаев, Ауыл шаруашылығы министрі Ербол Қарашөкеев, Бәсекелестікті қорғау және дамыту агенттігінің төрағасы Серік Жұманғарин, Алматы қаласының әкімі Бақытжан Сағынтаев, Шымкент қаласының әкімі Мұрат Әйтенов, Түркістан облысының әкімі Өмірзақ Шөкеев, Алматы облысының әкімі Амандық Баталов және тағы басқа басшылар қатысты.

Өткен аптада Қазақстанда әлеуметтік маңызы бар азық-түлік тауарлары бағасының жалпы өсу индексі – 0,0%. Қабылданған шаралар есебінен екінші апта қатарынан картоп (-0,4%), пияз (-1,3%) және сәбіз (-2%) бағасының төмендеуі байқалды.

Бір аптада қырыққабат бағасының өсу қарқыны 0,1%-ға дейін төмендеді. Өңірлерде "айналым схемасын" қаржыландыру 47,9 млрд теңгеге жетті. Нысаналы деңгей 95,7% қамтамасыз етілді.

"Айналым схемасы" бойынша тиімді жұмыс Нұр-Сұлтан, Алматы, Шымкент қалаларында және Алматы, Шығыс Қазақстан, Батыс Қазақстан, Қостанай, Солтүстік Қазақстан және Түркістан облыстарында байқалады.

Өткен аптада Бәсекелестікті қорғау және дамыту агенттігі баға белгілеу бойынша бәсекелестікке қарсы сөз байласқан іс-әрекеттер белгілері бойынша Ақмола, Павлодар, Солтүстік Қазақстан және Қарағанды облыстарында тауық жұмыртқасын өткізуді жүзеге асыратын 7 құс фабрикасына қатысты тергеуді бастады.

Тауық жұмыртқасы, құс еті және қант нарығы субъектілеріне бағалық сөз байласу белгілерінің болуына және түрлі бағаларды қолдануына қатысты 12 хабарлама жіберілді.

Шығыс Қазақстан облысының көтерме жеткізушісімен монополияға қарсы комплаенстің 1 актісі жасалды. Жалпы республика бойынша өндірушілермен, көтерме жеткізушілермен және сауда желілерімен монополияға қарсы комплаенстің 140 актісі жасалды.

Үкімет басшысы орталық мемлекеттік және жергілікті атқарушы органдарға әлеуметтік маңызы бар азық-түлік өнімдерінің бағасын тұрақтандыру және төмендету, сондай-ақ инфляцияның жалпы деңгейін 8,5% шегінде ұстап тұру бойынша жұмысты жалғастыруды тапсырды.

Өңірлер әкімдіктеріне "айналым схемасы" бойынша қаржыландыруды ұсынылған көлемдерге жеткізу, азық-түлік бойынша бес айлық қорды қамтамасыз ету, сауда желілері мен өндірушілер арасында форвардтық келісімшарттар жасасуды уақытылы ұйымдастыру тапсырылды.

Ұқсас материалдар:

elbasy-turki-kenesinin-katysushylaryna-bejneundeu-zhasady

kazakstan-men-turkiya-shekara-manyndagy-ortalyktarga-katysty-memorandumga-kol-kojdy

1150-mvt-kosymsha-elektr-energiyasy-kajdan-alynady

ahmetov-oz-adamdaryn-tanymaj-ma

otken-taulikte-1220-adamnan-koronavirus-infekciyasy-anyktaldy

загрузка

×