Алматыда жемқорлыққа қарсы күрес жөніндегі отырыс барысында Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Әлік Шпекбаев еліміздің әлемдік жемқорлық рейтингінде 2014-2016 жылдар арасында 17 орынға көтерілгені туралы баяндады, деп хабарлайды Today.kz.
"Жемқорлық тақырыбы тек мемлекетті ғана емес, қоғамды да алаңдатады, бұл проблема барлық елдерде бар. Біздің елде жемқорлық деңгейі тым биік болғандықтан, біз әлем бойынша 123 орынды иеленіп отырмыз. Алайда, жүргізіліп жатқан жемқорлықпен күрес саясаты арқасында 2014-2016 жылдарда біз 17 орынға көтерілдік. Заң бұзушылық әкімшіліктерде де бар. Жемқорлыққа қатысты бес мың оқиға анықталды, оның 10 %-ы – аса ауыр қылмыстар. Бүгінгі таңда жемқорлықты азайтуға бағытталған 59 заң қолданыста. 2016 жылдың тоғыз айы ішінде Алматыда жемқорлық әрекеттері үшін 871 лауазым иесі жауапқа тартылды. Жемқорлықтың ең төменгі деңгейі Солтүстік Қазақстан облысында. Алматы әкімшілігі құрамындағы жемқорлық жайлаған бағыт – тұрғын үй құрылысы", – деді Шпекбаев.
Алматы әкімі Бауыржан Бәйбек қалада жемқорлықпен күрес жұмыстарының белсенді жүріп жатқанын мәлімдеді. Ол Алматы көшелерінде 700 бейнекамераның орнатылып, жүйенің тиімділігін арттыру үшін қосымша жабдық алу қажеттігін айтты. Қала бойынша 4 миллиард теңге көлемінде айыппұл жиналған.
"Жемқорлықпен күрес стратегиясы өте маңызды, өйткені ол мемлекеттік билік механизмінің беделіне нұқсан келтіреді. Біз мемлекеттік аппараттың тиімді қылу бойынша көп жұмыс істеп жатырмыз – процедураларды жеңілдетіп, олардың ашық және жариялылығын қамтамасыз етіп жатырмыз. Жер қорының сақталуын қадағалаймыз, шешімдердің бас жоспарға қатаң сәйкес болуын талап етеміз. Сонымен қатар, анықталған 124 заңсыз салынған нысанның 14 жойылды. Барлық істер сот қарауына жолданған. Қай мәселе болмасын, тек құқықтық жолмен шешіліп, салық есептерінің 96 пайызы электрондық жүйе арқылы тапсырылып жатыр", – деді әкім.
Бауыржан Байбектің айтуынша, көлеңкелі экономика үлесін азайту бағытында істеліп жатқан жұмыстың да ауқымы кең. Басты мақсат – белсенді азаматтық қоғам қалыптастыру. Ол Алматының барлық аудан әкімдерінің осы жұмыс бойынша жыл сайын есеп беретіндігін атап өтті.
