Екібастұз ЖЭО-да күл құбырында апат болды, деп хабарлайды inbusiness.kz сайты. Мамандар оны 05:30-да жөндеді. "ЕКІБАСТҰЗЖЫЛУЭНЕРГО" ЖШС-нің баспасөз қызметінің мәліметінше, су жылыту қазандықтарының екінші цехының багерлік сорғысы су астында қалған. Ыстық резервтегі екі энергетикалық қазандық агрегаты іске қосылды.
"Екібастұз қаласы ТЖ басқармасының және ЭЖЭО жұмысшылары су айдау жұмыстарын жүргізуде. Сонымен қатар, багерлік сорғы станциясын ауыстыру және кейіннен іске қосу үшін резервтік қозғалтқыш дайындалды", - деп жазылған хабарламада.
Қазіргі уақытта станцияда 7 қазандық агрегаты жұмыс істеуде (Nº 5, 6, 7, 9, 11, 13, 14), 3 су жылыту цехының қазандығы уақытша мазутпен жұмыс істейді. Жеткізу температурасы 70 градус, гидравликалық қысым бекітілген режим аясында қамтамасыз етілген: жеткізілімде 9 кг және қайтаруда 1,5 кг. Алдағы сағаттарда багерлік сорғыны іске қосу жұмыстары аяқталады, содан кейін кестеге сәйкес су жылыту қазандықтарының стандартты жұмысы басталады.
