Екібастұз қаласында Қонаев 5 мекенжайында автокөліктерге автогаз құю бекетінен өрт шықты, деп хабарлайды inbusiness.kz ҚР ТЖМ баспасөз қызметіне сілтеме жасап.
"26 шілде, сағат 13:24-те Екібастұз қаласында Қонаев көшесі, 5 мекенжайында автокөліктерге газ құю бекетінен өрт шықты, 4 цистерна ашық жалынмен жанып жатыр. От жақын орналасқан "Феруза" азық-түлік дүкеніне ауысты.
Өрттің көрші ғимараттарға өту қаупі бар. Жеке үйлер жолдың арғы бетінде 100 м қашықтықта орналасқан.
Оқиға орнында 20 қызметкер мен 7 техника жұмыс істеп жатыр. Мән-жай анықталуда, өртті сөндіру жалғасуда", - делінген ТЖМ хабарламасында.
Ведомство мәліметінше, өрт сағат 15-00-де ауыздықталды, сөндіру жұмыстары жалғасуда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
