24 маусымда сағат 13:57-де балабақшасында өрт шыққаны туралы хабарлама құтқарушыларға түскен, деп жазады inbusiness.kz сайты Павлодар облыстық ТЖД баспасөз қызметіне сілтеме жасап.
– Оқиға орнына өрт сөндірушілер мен құтқарушылар шықты. Кабинетте қысқа тұйықталу орын алғаны анықталды. Екі шаршы метр аумақта жиһаз өртенді. Төтенше жағдайлар департаменті қызметкерлерінің жедел және үйлесімді әрекеттерінің арқасында өрттің таралуын болдырмады, – деді департаментте.
Өрт сағат 14:17-де толықтай сөндірілді. Тәрбиешілер өрт сөндірушілер келгенге дейін 150 бала мен 36 қызметкерді эвакуациялады. ТЖД бөлімшелері қосымша 19 бала мен 2 қызметкерді эвакуациялап, қауіпсіз жерге алып шықты.
Өрттен ешкім зардап шеккен жоқ. Қазір оқиғаның себебі анықталып жатыр.
