Екібастұздағы көпқабатты үйдің бірінен өрт шығып, үш бала эвакуацияланды. Өрт сөндірушілер келгенге дейін 15 адам өз бетінше сыртқа шығып үлгерген, деп жазады inbusiness.kz Zakon.kz-ке сілтеме жасап.
Павлодар облысы полиция департаментінің хабарлауынша, 12 желтоқсан күні, сағат 17:04-те Сәтбаев көшесі, 8/1 мекенжайындағы алты қабатты тұрғын үйдің екінші кіреберісінде өрт шыққан.
"Қоймаға айналған қоқыс жинағыштан шыққан өрттен тұрмыстық заттар жанған. Жалын жалпы аумағы 10 шаршы метр жерді шарпыды", - делінген хабарламада.
Өрт сөндірушілер баспалдақ арқылы бес адамды құтқарды. Оның үшеуі бала. Оқиға орнына 3 арнайы техника мен 11 өрт сөндіруші жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
