Екібастұзда жыл соңына дейін 140 камера орнатылады

837

Екібастұзда жыл соңына дейін 140 камера орнатылады

Жылдың соңына дейін көпқабатты тұрғын үйлердің 70 подъезіне 140 бейнебақылау камерасын орнату жоспарланып отыр, деп хабарлайды pavlodarnews.kz.

Екібастұз қаласының әкімі Нұржан Әшімбетовтің айтуынша, бұл шараны "Бұлтты бейнебақылау" жобасы аясында "Қазақтелеком" АҚ жүзеге асырады.

"Бүгінгі таңда бейнебақылау камералары орнатылатын тұрғын үйлердің тізімі анықталған. Бұған дейін 25 көпқабатты тұрғын үйдің пәтер иелері 40 камера орнатқан болатын", - дейді Нұржан Әшімбетов.

"Цифрлы Қазақстан" мемлекеттік бағдарламасы аясында биылғы жылдың ақпан айында "Ақылды үй" мобильді жобасы іске қосылған. Мұндай жаңашылдық тұрғындарға онлайн режимі арқылы ПИК-терге өтініш беруге, жөндеу жұмыстарының барысымен танысуға мүмкіндік береді".

"ТҮКШ дамыту қоры" АҚ мен "Павлодар жылу желілері" ЖШС, "Авентис групп" ЖШС арасындағы қаржы лизингі келісімшартына сәйкес 2016-2017 жылдары жалпыға ортақ 444 жылу энергиясын өлшеу құрылғысы орнатылған.

Қала бойынша барлығы аталған құралдармен 416 тұрғын үй немесе 63 пайызы қамтамасыз етілген.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу