"Экибастузтеплоэнергоға" 9,3 млн теңге айыппұл салынды

"Экибастузтеплоэнергоға" 9,3 млн теңге айыппұл салынды

02 Желтоқсан 2021 12:59 533

«Экибастузтеплоэнергоға» 9,3 млн теңге айыппұл салынды
Табиғи монополияларды реттеу комитетінің Павлодар облысы бойынша департаменті 11 қараша мен 24 қараша аралығында "Экибастузтеплоэнерго" ЖШС қызметіне жоспардан тыс тексеру жүргізген, деп жазады inbusiness.kz.

ҰЭМ Табиғи монополияларды реттеу комитетінің хабарлауынша, тексеру жүргізуге Павлодар облыстық мәслихатының депутаты П.И. Ярошенконың "Экибастузтеплоэнерго" ЖШС-ның әрекетіне қатысты өтініші құқықтық негізі болған.

Тексеру аясында төмендегідей бұзушылықтар анықталған:

- Техникалық шарттарды беруден бас тартылған жағдайларда шешімдердің көшірмелері мен дәлелді негіздемелерді уәкілетті органға ұсынбау бөлігінде, Табиғи монополиялар туралы заңының 26-бабының 2-тармағының 4-тармақшасын бұзу;

- табиғи монополия субъектісінің желілеріне қосуға техникалық шарттарды беру мерзімдерін бұзу;

- табиғи монополия субъектісінің табиғи монополия субъектісі желілерінің резерві, бос және қолжетімді қуаттарының, сыйымдылықтарының, орындарының бар-жоғы, өткізу қабілеті туралы ақпаратты өзінің интернет-ресурсында не уәкілетті органның интернет-ресурсында тоқсан сайын орналастыру міндетін сақтамаудан көрінген, Табиғи монополиялар туралы заңының 26-бабының 2-тармағының 21-тармақшасын бұзу.

"Анықталған бұзушылықтар нәтижесінде, "Әкімшілік құқық бұзушылық туралы" Қазақстан Республикасы Кодексінің 164-бабының 4-бөлігі бойынша әкімшілік айыппұл 9,3 млн теңгені құрады. Субъекті әкімшілік айыппұлды өндірісті қысқартылған тәртіпте төледі. Бұдан басқа, субъектінің атына бұзушылықтарды жою туралы орындалуы міндетті нұсқама шығарылды", –дейді комитеттен.

Ұқсас материалдар:

ulybritaniyada-betperde-tagu-kajta-mindetteldi

arnajy-ortalyktarda-tamak-sapasyn-arttyru-kerek-maman

abajdyn-kara-sozderi-kinozhobasynyn-tusirilimi-ayaktaldy

almatyda-dostyk-uji-ashyldy

senat-mazhilis-makuldagan-kuzhatty-kuptamady

загрузка

×