Бүгін әлеуметтік желілерде Екібастұз қаласындағы қара түтін көрсетілген видео мен фотолар жарияланды. Осыған байланысты Экология және табиғи ресурстар министрлігі тексеру жүргізетін болады, деп хабарлайды inbusiness.kz.
Екібастұз қаласында "Қазгидромет" РМК 2 стационарлық бақылау бекеті орналасқан. 29 наурыздағы жағдай бойынша Мәшһүр-Жүсіп көшесі, 118/1 мекенжайындағы №1 атмосфералық ауаның жай-күйін бақылау бекеті шекті рұқсат етілген концентрациялар асып кеткенін тіркеген жоқ.
"Жарияланым дәлелдерін егжей-тегжейлі тексеру үшін Департамент қызметкерлері "Екібастұзжылуэнерго" ЖШС санитарлық қорғау аймағының шекарасында атмосфералық ауаның сапасына өлшеулер жүргізді. Өлшеу нәтижелері көміртегі оксиді бойынша 6,3 мг/м3 (ШРК 5,0), азот оксиді бойынша 0,527 мг/м3 (ШРК 0,5), шаң бойынша 0,638 мг/м3 (ШРК 0,5) асып кеткенін анықтады", - делінген хабарламада.
Қазіргі уақытта "Екібастұзжылуэнерго" ЖШС-не қатысты жоспардан тыс тексеруді тағайындау бойынша жұмыс жүргізілуде.
