Энергетика министрі Алмасадам Сәтқалиев екінші атом электр станциясы бойынша пікір білдірді, деп хабарлайды inbusiness.kz сайты.
Тілшілер ведомство басшысынан Үкіметтің кеңейтілген отырысынан кейінгі брифингте екінші АЭС салу үшін референдум өткізудің қажеті бар ма деп сұрады.
"Референдум өткізудің қажеті жоқ. Заңнамаға сәйкес, бұл станция Үкіметтің шешімі негізінде салынатын болады", - деп қысқа қайырды Энергетика министрі.
Айта кету керек, Премьер-министр Олжас Бектенов Үкіметтің кеңейтілген отырысында екінші атом электр станциясы құрылысының ықтимал орындарын анықтау үшін өңірлерді талдау жұмыстары аяқталуға жақын екенін мәлімдеген болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
