Президенттің Жарлығымен Серікқали Брекешев Экология, геология және табиғи ресурстар министрі болып тағайындалды. Бұл туралы Ақорданың ресми сайтында жарияланды:
"С.А. Брекешевті тағайындау туралы
Серікқали Аманғалиұлы Брекешев Қазақстан Республикасының Экология, геология және табиғи ресурстар министрі лауазымына тағайындалсын.
Қазақстан Республикасының
Президенті Қ.Тоқаев
Нұр-Сұлтан, Ақорда, 2021 жылғы 10 қыркүйек
№ 657"
Серікқали Брекешев 1972 жылы 14 қазанда Павлодар қ. туған
Білімі:
— 1990-1995 жж. Ш. Есенов атындағы Ақтау политехникалық институты, "Мұнай және газ кен орындарын игеру және пайдалану" факультеті.
Жұмыс тәжірибесі:
1995-1997 жж. "Қазақстан-Ресей сауда үйі" БК, бас директордың орынбасары, экономист;
1997 ж. Ақтау қ. Салық бөлімі, инспектор;
1997-1998 жж. "Маңғыстаумұнайгаз" АҚ "Мұнайгермес" материалдық-техникалық қамтамасыз ету және өнімді өткізу басқармасының филиалы, 8-ші разрядты инженер;
1998-2006 жж. "Қарақұдықмұнай" ЖАҚ, мұнай өндіру жөніндегі мастер, пайдалану жөніндегі инженер, кәсіпшілік менеджері;
2007-2008 жж. Энергетика және минералдық ресурстар министрлігі, Мұнай өнеркәсібін дамыту департаментінің Мұнай өндіруге мониторинг жасау басқармасы, басқарма бастығы;
2009-2010 жж. Энергетика және минералдық ресурстар министрлігі, Газ өнеркәсібін дамыту департаменті, директордың орынбасары;
2010-2014 жж. Мұнай және газ министрлігі, Газ өнеркәсібін дамыту департаменті, директор;
2014-2015 жж. "BNG Ltd" ЖШС, бас директордың орынбасары;
2015ж. "ҚазТрансГаз" АҚ, техникалық саясат департаментінің директоры;
2015 ж. "ҚазТрансГаз" АҚ, ГТЖ басқару жөніндегі басқарушы директор;
2015-2016 жж. "ҚазТрансГаз" АҚ, техникалық саясат жөніндегі басқарушы директор;
2016-2018 жж. "ҚазТрансГаз" АҚ, өндірістік-техникалық департаментінің директоры;
2018 ж. "ҚазТрансГаз" АҚ, бас директордың техникалық саясат жөніндегі орынбасары. 2020 жылдың 5 наурызынан Экология, геология және табиғи ресурстар вице-министрі.
Мемлекеттік наградалары, көтермелеу (грамоталары және т.б.):
— Мұнай және газ министрлігінің Құрмет грамотасы;
— ҚР Премьер-Министрінің Алғыс хаты;
— ҚР Президентінің Құрмет грамотасы.
