Орталық коммуникациялар қызметінде өткен баспасөз мәслихатында журналист министрге "Сіздің министр болғаныңызға 3 ай болды. Алайда "жасыл" бастамаларды қазақстандықтар әлі көрген жоқ. Сіз газбен жүретін көлікке неге отырмай жүрсіз?" деп сұрақ қойды.
Серікқали Брекешев тек мемлекет берген көлікке отыратынын жеткізді.
"Министрліктің меншігінде ондай көлік жоқ. Біз жалға алынатын көлікті пайдаланамыз. Сондықтан оларда (ҚР Президенті іс басқармасы автошаруашылығы мекемесі – автор) тиісті көлік болса, біз газ немесе электрмен жүретін көлікке отыруға дайынбыз. Әзірше, меншігімізде ондай көліктер жоқ", – деп түйіндеді сөзін министр.
Дәурен Ерболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
