ҚР Экология, геология және табиғи ресурстар министрлігі, "ҚазМұнайГаз Ұлттық компаниясы" АҚ және "Қазгеология" Ұлттық геологиялық барлау компаниясы" АҚ ел аумағының геологиялық зерттелуін арттыру саласындағы ынтымақтастық туралы келісімге қол қойды, деп хабарлайды inbusiness.kz министрліктің баспасөз қызметіне сілтеме жасап.
Осылайша, тараптар Қазақстанның аз зерттелген шөгінді бассейндеріндегі көмірсутек қорларын бағалау мақсатында геологиялық барлау жұмыстарын жүргізу үшін инвесторлар тарту бойынша күш-жігерді шоғырландыруды жоспарлап отыр.
Мысалы, көмірсутектер бойынша геологтар болжамды баламалы отын қоры шамамен 76 млрд тоннаны құрайтын 15 шөгінді бассейнді анықтады, оның ішінде алдын ала бағалау бойынша шамамен 4,5 млрд тоннасы аз зерттелген шөгінді бассейндерде.
Мағзұм Мырзағалиевтің айтуынша, келісімге қол қою саланың одан әрі дамуына ықпал етеді.
Сәтті нәтижеге қол жеткізу үшін келісім шеңберінде геологиялық зерттеу және барлау үшін аумақтар айқындалады, "Роуд-шоу" және "Дата-румға" қолжетімділік ұйымдастырылады, сондай-ақ жер қойнауын пайдалану құқығын одан әрі алу үшін тиісті құжаттар қабылданады.
